La shah ka JFEPA ban khwai ha thwei Rampyrthai
Ka Jaintia Fishing and Environmental Protection Association (JFEPA), Jowai kala pynbna paidbah ba kala shah ban khwai ha thwei Rampyrthai, ka bynta jong ka Wah Myntdu.
Ka JFEPA haka jingialang paidbah haka 14/12/2021, ka pynbna ba la weng noh ia ka jingmana ban khwai ha Rampyrthai (Mutong) ia kaba la ju khang naduh 1 tarik Lber (March) haduh 30 tarik Iaiong (April) ha ki snem bala dep.
Katkum u kyrwoh bala pyllait u secretary JFEPA Ma NK Lamare ula ong ba naduh ka 1 tarik Lber 2022, la shah ia ki rawon tang ban khwai ha ka thwei Rampyrthai (Mutong) da kaba bud ryntih iaki dong kiba la buh ryntih ka synjuk.
Ula ong ba ka JFEPA kam shah ban khwai kynjot tang da u wei u khwai ne teh shibun ki khwai ha u wei u Ryngwiang.
La rai ban nym shah ban tong sasi sharud ka thwei Rampyrthai ha baroh shilynter.
Lashah tang 5 tylli ki Ryngwiang na ka bynta uwei u nongkhwai ban khwai pyndem.
Ym shah iano iano ban buh lypa ka jaka khwai da kaba buh ryngwiang lypa na ka bynta kiwei pat ki nongkhwai bad la shah tang shimiet va uwei uwei u nongkhwai ban khwai sahmiet.
Ym shah iano iano ban shong khwai bad khwai pyndem halor ka Kroh Mutong Sharum Shaneng ka Kroh Rampyrthai (Mutong).
Facebook
Instagram
Youtube
Twitter
Leave a Reply