La sdang ïaka ‘Sanitation WASH Literacy & Refinance Campaign’ na Moodymmai ha Meghalaya

Syllad | The Rising MeghalayaOctober 3, 2020

Ka NABARD ka la sdang ia ka Jingialap Paidbah shaphang ka Jingpynkhuid ha ka 02 October 2020 ha ka sngi dap snem ba 150 jong u Mahatma Gandhi ha ka jylla baroh kawei.

Ha West Jaintia Hills, ka Campaign la plie ha ka shnong Moodymmai, Thadlaksein Block haba lashem ia ka jingdonkam iaka jinglehkhuid bad ruh ban pynskhem pynmlien ia ka rukom pyrkhat jong ki briew ha ka kyrdan shimet bad shnong ka thaw khamtam he ha ki por COVID-19.

La iarap pyniaid ia ka prokram da ka Society for Urban & Rural Empowerment (SURE) bad la batai bniah shaphang ka WASH da ka Kong Corrine Slong jong ka NESFAS.

U Bah Greville N. Kharlukhi, District Development Manager, NABARD u lah ai jingpynshai khambniah ba ki loan ram ba shim da ki paidbah, ki riew shimet ne ki dkhot jong ki SHG a ka jingthmu shna painkhana, ki thaw ki shna imlang sahlang, um dih lah ban pynhap ha ka kyrdan Priority Sector bad ka NABARD ruh ka ai pisa jingiarap ia ki bank ba iarap ai ia ki paidbah.

U Bah Kharlukhi ula ong ba haduh mynta, ka NABARD ka lah dep theh tyngka 12, 298 klur hapoh ka Swachh Bharat Mission-Gramin (SBM-G) bad lah pyndep ne shna haduh 3.29 klur ki painkhana. Ka NABARD shuh shuh ka lah sdang ia ka skim refinance kumba 800 klur ia u snem 2021 na ka bynta ka Water, Sanitation, Hygiene (WASH). Kane ka Campaign kan kyrshan ia ka Sorkar India ha ka Swatch Bharat Mission bad ruh ka WASH  prokram khnang ban pynkupbor ia ki longing ba kham tlot bad duna ha ki nongkyndong hapdeng ka COVID.

“Ka NABARD ka buh iaka thong ban kdup haduh 2000 tylli ki shnong bad ban wad dak jingdonkam ia ki jongduna haka liang ka um, ka lehkhuid bad painkhana jong ki nongkyndong. Ki jingshem jong kane ka research kan iarap ban pyni lynti kumno ban kham pynbum ia ka pisa bad ai ram ha ka ri khamtam eh is kaban pynbiang ia ki piankhana ha ki ingbriew nongkyndong,” la ong u Bah Kharlukhi.