La pynkylla kyrteng ia ka 1-India Family Mart sha 1-India Fashion ha Jowai

Syllad | The Rising MeghalayaJune 14, 2025

Ka 1-India Family Mart kaba don ha Borbon Building, Loomsooiung Newhill, Jowai kala pynbna paidbah ba la pynkylla kyrteng noh iaka da ka kyrteng thymmai ka 1-India Fashion.

Haba plie biang ne ka Re-launch Ceremony haka 14 tarik Jylliew ia kane ka jaka die jingdie kaba bunjait, ka 1-India Fashion la sakhi ba lah ban ioh ia kiba bun jait ki jait jain thymmai khamtam ki jain phong jong ki kynthei bad shynrang haduh kiba dang khynnah ryngkat ki tiar ki tar ba pyndonkam haki iing ki sem kumjuh ki tiar pynriam iing nalor kiwei kiwei.

Ha kane ka jingpynkylla kyrteng thymmai, ka 1-India Fashion ka khot ka wer iaki paidbah ban wan sha kane ka dukan bad thied iaki jain ki nep bad kiwei kiwei ki jingdonkam haki iing ki sem haka dor kaba biang.