La pynkut ïaka school sports ka Seinraij LPS SSA, Mukhap

Syllad | The Rising MeghalayaMarch 31, 2019

JOWAI: Ki bor pyniaid ka Seinraij LPS SSA Mukhap kala pynkut noh ïaka school sports kaba la sdang naduh ka 27 bad la pynkut haka 29 tarik u Lber 2019. Ïa kane ka school sports lawan ban sakhilang da u Nujorki Sungoh, MLA ka thain ryngkat ka jingiadonlang ki nongialam shnong bad ki dkhot ka Managing Committee. 

U ma Nujorki haba ai jingkren kum u kongsan u la pynpaw ka jingsngewnguh ia ki dkhot ka Managing Committee kiba la shimkhia ban leh shibun ki kam na ka bynta ka miat ka bha bad ka jingiaid beit iaid ryntih jong ka skul bad u da khot bad wer ia ki longkmie longkpa bad ruh ia baroh ki nongshonghshnong ba kin iasnonktilang ha kaban phah skul ïaki khynnah bad ban ïakhun ïaka jingpep skul shiteng por ki khynnah.

Ki khynnah skul ka Seinraij LPS SSA, Mukhap kum shibynta ban pynshongshit bad pynphuh pynpheing ia kane ka school sports ki la iashimbynta ruh ban pyni ia la ka sap ka phong lyngba ka Mass Drill, ka Dancing Competition bad kiwei kiwei ki prokram.

Ïaki khusnam la sam sha baroh ki khynnah ba jop ha ki iakop bapher bapher la sam da u kongsan, ki dkhot ka Dorbar Shnong bad ki dkhot ka School Managing Committee.