La pynkhreh pura ia ka jingrakhe Independence Day 2024: Yn pynher lama u CM ha Shillong

Syllad | The Rising MeghalayaAugust 14, 2024

Ha ryngkat ka Ri baroh kawei, ka Jylla Meghalaya ruh ka la pynkhreh pura ha kaba iadei bad ka jingrakhe ia ka sngi Laitluid (Independence Day) kaba 78 ka ban long ha ka 15 tarik mynta u bnai ha kane ka Nongbah bad ha ki 11 tylli ki district headquarter nalor ki Civil Sub Division.

U Myntri Rangbah ka Jylla u Conrad K Sangma un pynher ia ka lama jong ka ri India ha ka jingrakhe ka ban long ha ka nongbah Shillong, katba ki arngut ki ki Symbud Myntri Rangbah Jylla, kata u Bah Prestone Tynsong un pynher ia ka lama lai rong ha Tura, West Garo Hills, bad u Sniawbhalang Dhar ha Khliehriat, East Jaintia Hills District.

Kumjuh ia ka lama ka Ri yn pynher ruh da u Myntri ka tnad Tourism u Bah Paul Lyngdoh ha Nongstoin, West Khasi Hills bad u Myntri ka tnad Sports u Bah Shakliar Warjri ha Nongpoh, Ri Bhoi District.

U Myntri ka tnad Bording u AT Mondal un iashim bynta ha ka jingpynher lama ha Jowai, West Jaintia Hills, katba u Myntri ka tnad Water Resources, u Comingone Ymbon un iashim bynta ha Williamnagar, East Garo Hills.

Ha Resubelpara, North Garo Hills yn iashim bynta da ka Myntri ka tnad ka Koit ka Khiah ka Dr M Ampareen Lyngdoh, katba ha Mawkyrwat South West Khasi Hills yn iashim bynta da u Chairman ka MTDC uba dei ruh u MLA ka South Shillong u Bah Sanbor Shullai. U Chief Adviser bad MLA u Bah Lahkmen Rymbui un iashim bynta ha Baghmara, South Garo Hills District.

Nalor kata u Myntri ka tnad Pule Puthi u Rakkam A Sangma un kaweh ia ka lama ka ri ha ka prokram ha Ampati, South West Garo Hills, katba ha Mairang, Eastern West Khasi Hills yn wan iashim bynta da u Myntri ka tnad Revenue & Disister Manangement u Bah Kyrmen Shylla.

Katba ha ki Sub Division ki ban iashim bynta ha ka jingpynher ia ka lama jong ka Ri ki kynthup ia u Bah Gavin Mylliem, MLA ha Sohra, Deputy Speaker, Timothy D Shira ha Amlarem, Sengchim N Sangma, MLA ha Dadenggre bad u Ian Botham K Sangma, MLA ha Pynursla.

Shuh shuh ha Chokpot yn wan iashim bynta da u Brening Sangma, MLA, ha Raksamgre da u Bah Banteidor Lyngdoh, MLA, ha Mawshynrut u Bah Methodius Dkhar, MLA, ha Ranikor da u Bah Renikton L Tongkhar, MLA, ha Patharkhmah da u Bah Sosthenes Sohtun, MLA; ha Rongjeng u Jim Sangma, MLA; ha Jengjal u Sanjay A Sangma, MLA; ha Dalu u Limison D Sangma, MLA, bad ha Hima Shangpung (Laskein C&RD Block) da ka Kong Santa Mary Shylla, MLA.