La pyllait umphniang sharak bad pynbeit iaka dor thymmai ha Amlarem Sub Division

Syllad | The Rising MeghalayaNovember 30, 2021

U Sub-Divisional Officer (Supply) jong ka Amlarem Sub-Division u la pynbna paidbah ba ia ka Umphniang Sharak naka bynta u bnai Naiwieng yn sa pyllait sha ki SK Oil Retailers ha ka Nohprah 1 tarik.

La bthah ia ki paidbah ban leit shim ia ki mar jong ki na ki Fair Price Shop Centre ki ba don ha ki shnong ki shnong jong ki.

Lada don kino kino ki bym ioh umphniang lane kiba shah oh dor palat ia kaba la buh, ki lah ban ujor sha ka ophis jong u S.D.O. (Supply) da ka ba thoh shai ia ka kyrteng bad ka shnong jong ki khnang ba yn lah ban pynshitom ia ki.

Shuh shuh ka Ophis jong U Sub-Divisional Officer (Supply), kaa pynbna paidbah ba la pynkylla ia ka dor jong ka Umphniang sharak.

Ka dor die lang na Jowai ka shongdor T.59.65 shi litre bad ha Amlarem T61.65 shi litre.

Ia kane ki dor thymmai la pyntrei kam naduh ka 1 tarik Naiwieng 2021.