La pyllait paidbah ïaka kot hikai thoh bad pyndonkam iaki dak A B Jaiñtia

Syllad | The Rising MeghalayaAugust 28, 2021

U Phasmon Dkhar, Executive Member jong ka Jaintia Hills Autonomous District Council (JHADC) ula pyllait paidbah iaka kot hikai bad pyndonkam ïaki dak thoh AB haka ktien Jaiñtia haka sngi Saitjain.

Ia kane ka jingialang pyllait ia kane ka kot la pynlong ha yungwalieh jong ka shnong Panaliar kaba la iadonlang u Dolloi Elaka Jowai, Puramon Kynjing, u MDC ka Jowai South uba long ruh u EM JHADC ma Saron Pasweth, Rikut Parien, u dkhot ka Jaintia Alphabet Committee nalor kiwei kiwei.

Kane ka kot hikai A B haka ktien Jaiñtia la pynbit pynbiang da u Riquoma Rq Laloo, u nongthoh kot bad uba long ruh u dkhot ka Khasi Author Society (KAS).

Ka jingthmu ban pynmih ia kane ka kot kadei ban hikai bad ban pynriewspah bad pynneh pynsah iaka ktien ka thytlliej ha ki jingthoh.

U Riquoma Rq Laloo ula thoh bun tylli ki kot kiba kynthup iaka Pyrdit, ki dak thoh ne Pure hei ktien Pnar, bad kiwei kiwei.

U Phasmon Dkhar haba kren ula iaroh ia u ma Riquoma Laloo na ka bynta ka jingshimkhia jong u ban pynmih ia kane ka kot hikai thoh AB Jaintia bad ula ong ba nakaliang ka konsil kan sa pynrung ia kane ka kot ha ki skul DCLP ba ki kynnah kin ioh ban pule bad nang ban thoh iaki ktien Jaintia.

Kum ka jingpynshlur ïa kiwei ki nongthoh kot, u Phasmon u la kular ban iakren hapoh ka konsil ban synniang jingiarap sha ki nongthoh kot kiba pynmih iaki kot ha rilum Jaintia.

Lah ban pynkynmaw ba ia kine ki dak thoh Jaintia ka JHADC kala mynjur hapoh ka ïing dorbar thawain haka 25 atrik u bnai Lber 2021.