La pyllait khaw rashon ha East Jaintia Hills

Syllad | The Rising MeghalayaMay 17, 2025

U Deputy Commissioner (Supply) ka East Jaintia Hills District u pynbna paidbah ba la pyllait ia u khaw rashon NFSA na ka bynta u bnai Jymmang 2025 ha East Jaintia Hills District.

Ia u khaw AAY yn sam 35 kilo shi iing shibnai khlem da donkam ban siew pisa eiei, ia u khaw PHH yn sam 5 kilo shikhlieh shibnai khlem da donkam ban siew pisa eiei, katba ia u khaw Non-NFSA pat yn sam 7.213 kilo shi iing shibnai haka ka dor die lang ka ba long T.12.00/- tyngka shi kilo bad ka dor die khutia pat kam dei ban palat ia ka T.14.00/- tyngka shi kilo.

Lada don kano kano ka jingbymhun halor ka rukom sam ia u khaw da ki nongsam katkum ki jingthew bad ka dor ba la buh, ki paidbah ki lah ban ujor sha u Deputy Commissioner (Supply) lane ki lah ban phone sha u nombor bym donkam ban siew pisa (Toll free No.), kata, u 1697 bad ki lah ruh ban ujor sha u District Grievances Officer, East Jaintia Hills District.