La pyllait khaw rashon ha East Jaintia Hills

Syllad | The Rising MeghalayaOctober 13, 2023

U Deputy Commissioner (Supply) ka East Jaintia Hills District, Khliehriat ula pynbna paidbah ba la pyllait ia u khaw rashon NFSA na ka bynta u bnai Risaw ha baroh kawei ka district.

Ka bhah na ka bynta u khaw AAY yn sam 35 kilo shi iing shibnai khlem da donkam ban siew pisa eiei, ia u khaw PHH yn sam 5 kilo shikhlieh shibnai khlem da donkam ban siew pisa eiei, katba ia u bhah khaw Non- NFSA yn sam haka jingthew 7.215 kilo shi iing- shibnai haka ka dor die lang ka ba long T. 12.00 shi kilo bad ka dor die khutia pat kam dei ban palat ia ka T.14.00 shi kilo.

Lada don kano kano ka jingbymhun halor ka rukom sam ia u khaw da ki nongsam katkum ki jingthew ba la buh, ki paidbah ki lah ban ujor sha u Deputy Commissioner (Supply) ka East Jaintia Hills District lane ki lah ban phone sha u nombor bym donkam ban siew pisa (Toll free No 1697 bad ki lah ruh ban ujor sha u District Grievances Officer ka East Jaintia Hills District, bynrap shuhshuh ka kyrwoh na u Deputy Commissioner.