La pyllait khaw rashon ha Amlarem Sub Division

Syllad | The Rising MeghalayaMarch 12, 2024

U Sub-Divisional Officer (Supply), Amlarem Sub-Division u la pynbna paidbah ba ia u khaw u ba hap hapoh ka NFSA (AAY & PHH) bad ka Non-NFSA naka bynta u bnai Lber (March), 2024 yn sdang ban pyllait noh sha baroh ki Fair Price Shop Dealers haduh ka 15 tarik u bnai Lber mynta u bnai.

U bhah khaw na ka bynta ki bat card AAY ka long haka jingthew kaba 35 kilo kawei ka longing (ym donkam siew Pisa). U bhah khaw PHH haka jingthew kaba 5 kilo shikhlieh (ym donkam siew Pisa).

Katba ki Non-NFSA haka jingthew kaba 7.215 kilo shi card ha ka dor ba ym palat ia ka T.14/- shi kilo.

Lada don kino kino ki ba shim da ka pisa ne ki bym ioh ia kitei ki mar jong ki, ki lah ban ujor ha u Sub Division Officer (Supply) da kaba thoh shai ia ka kyrteng bad ka shnong jong ki khnang ba yn lah ban pynshitom ia ki nongsam rashon. Iaki jingujor la ban phah da kaba phone ha u Sub-Inspectors: 9436110184 | 873102575 bad Email [email protected]