La pyllait ia u khaw PMGKAY ha Amlarem Sub Division

Syllad | The Rising MeghalayaJuly 11, 2022

Ka Sub-Divisional Officer (Supply) jong ka Amlarem Sub –Division ka la pynbna paidbah ba ia u Khaw u ba hap hapoh ka PMGKAY Scheme na ka bynta u bnai Naitung (July), 2022 la pyllait sha baroh ki longïing ki ba hap hapoh ka NFSA (AAY & PHH) naduh 11 tarik haduh ka 15 tarik Naitung.

Ka bhah AAY ka long 5 kilo shi khlieh, katba PHH 5 kilo shi khlieh bad kiba ioh myntoi kim donkam siew pisa eiei.

Lada don kino kino kiba shim da ka pisa ne ki bym ioh ia ki tei ki mar jong ki, ki lah ban ujor sha ka ophis jong ka SDO (Supply) da ka ba thoh shai ia ka kyrteng bad ka shnong jong ki khnang ba yn lah ban pynshitom ia ki.