La pyllait ia u Khaw ioh ei ha East Jaintia Hills District

Syllad | The Rising MeghalayaMay 18, 2021

U Deputy Commissioner (Supply), East Jaintia Hills District u pynbna paidbah ba la pyllait ia u Khaw u bym donkam ban siew eiei PMGKAY RICE (Free of Cost) na ka bynta u bnai MAY, 2021 ha East Jaintia Hills District, Khliehriat.

Ka jingsam ia u Khaw AAY ka long 5kg shi khlieh tang ia kito kiba don ka Card Rashon AAY bad ia u Khaw PHH yn sam 5kg shi khlieh tang ia kito ki ba don Card Ration PHH.

Kumta, la kyrpad ia ki paidbah ba lada ki shem ba ia une u Khaw ba ki Dealer kim ai katkum ka kilo ba ki dei ban ioh lane ki pan pisa, ki dei ban ujor mar mar sha u Deputy Commissioner (Supply), East Jaintia Hills District khnang ban pynshitom ia ki kat kum ka ain ba la buh da ka Sorkar.

Ha kajuh ka por u Deputy Commissioner (Supply), East Jaintia Hills District u pynbna paidbah ba la pyllait ia u Khaw Ration na ka bynta u bnai MAY, 2021 ha East Jaintia Hills District, Khliehriat.

Ka jingsam ka long kumne, ia u Khaw AAY yn sam 35 kilo shi ing shibnai ha ka dor Rs. 3.00 tyngka shi kilo, ia u Khaw PHH yn sam 5 kilo shikhlieh shibnai ha ka dor Rs. 3.00 tyngka shi kilo, katba ia u Khaw Non- NFSA pat yn sam 7.215 kilo shiing- shibnai haka ka dor Die Lang ka ba long Rs. 11.77 tyngka shi kilo bad ha ka dor Die Khutia ka ba long Rs. 12.34 tyngka shi kilo.