La pyllait ia ka Special Summary Revision ka Photo Electoral Rolls ha EKHD

Syllad | The Rising MeghalayaOctober 27, 2023

Ka Ophis u Chief Electoral Officer, Meghalaya, Shillong ha ryngkat ka jingiatreilang bad ka Ophis District Election Officer, East Khasi Hills District, Shillong haka sngi Thohdieng kila pynlong ia ka jingialang State Level na ka bynta ka jingpyllait ia ka Special Summary Revision of Photo Electoral Rolls hapoh Conference Room, DC Office, East Khasi Hills Shillong, ha kaba la pynbna kyllum ia ka 01/01/2024 kum ka qualifying date ne ka tarik jong kito kiba la kynjoh sha ka 18 snem rta.

Haba kren ha ka jingialang u Dr. BDR Tiwari, Chief Electoral Officer u pyntip ba ka jingpyllait ia ki draft photo electoral rolls la iasam bad ki party sain hima khnang ba kin lah ban pynpaw ia ki jingpyrshah halor kino kino ki jingkynthup ia ki briew ki bym dei ki hok lada ki don hapoh ka electoral roll na ka bynta ka jingiaid beit ha ka jingpynlong ia ki ilekshon, kata namar ki party sain hima ki dei ka kynhun iashim bynta kaba kongsan ha kaba iadei bad kane ka phang.

Kumjuh na ka liang u Chief Electoral Officer ha ryngkat ka Deputy Commissioner ka East Khasi Hills, Shillong ka Kong RM Kurbah ki la aiti ruh ia ki draft photo electoral roll sha ki nongmihkhmat na ki party sain hima bapher bapher.