La plie iaka MCAB Mairang

Syllad | The Rising MeghalayaMay 9, 2021

U Sub-Divisional Magistrate ka Mairang Civil Sub-Division, Mairang ula pynbna ba ka Meghalaya Co-operative Apex Bank (MCAB), Mairang kan plie biang naduh lashai ka sngi (10 tarik Jymmang) hadien ba ym don shuh kiba shah ktah haka khlam COVID-19.

Katkum u kyrwoh bala phah da ka ophis u SDPRO, Mairang, u Sub-Divisional Magistrate ka Mairang Civil Sub-Division ula pynmih iaka hukum haka Sngi U Blei ba ula weng iaka hukum containment iaka Meghalaya Co-operative Apex Bank, Mairang naduh ka 10 tarik u Jymmang, 2021 naduh ka por 9 baje mynstep

La weng iaka hukum containment hadien bala ioh iaka report jong baroh ki high risk contact bad ym don kino kino kiba iabit khlam thymmai nalor ka ka jingpynkhuid ia ka jaka treikam ka Meghalaya Co-operative Apex Bank, Mairang bad ki rud ki kiar jong ka na ka bynta ban kane ka bank kn sdang biang iaka jingshakri da kaba bud ryntih iaki kyndon COVID-19.