La plie ïaka creche ka seng longkmie Panaliar

Syllad | The Rising MeghalayaMarch 24, 2019

JOWAI: U Dr. B Challam ula plie paidbah ïaka creche, ka jaka ri khynnah kaba pynïaid da ka Panaliar Women’s Welfare Organisation (PWWO) haka sngi U Blei.

Ha kane ka jingplie ïaka crèche haka jingialang kaba long ha ïungwalieh ka Dorbar Shnong Panaliar la ïadonlang naduh u Waheh Shnong u Ma Riquoma Rg. Laloo uba long u symbud kongsan, Kong Wompher Laloo dkhot jong ka PWWO bad kiwei kiwei.

U Dr. B Challam ula ong ba ka jingplie ka PWWO ïa kane ka Creche ka long ka jingkyrkhu bad ka lad iarap kaba kongsan tam iaki Kmie ki Kpa khamtam kito kiba iabeh sha ki jingtrei jingktah.

Ula kyntu iaki nongpyniaid bad nongtrei katei ka creche ban long ki briew kiba jemnud kiba luilui bad ban sumar bha ïaki khynnah da ka jingieit. U Dr. Challam ula kular ban ai ka jingsumar ei ne ka Free Check-Up kaba shisien Lai bnai iaki khyllung ba don ha kane ka Creche bad ha kajuh ka por ula nohsynniang T. 25 hajar tyngka sha katei ka jaka ri khyllung.