La plie iaka CMTC ka Muthlong Pasyih Multipurpose Cooperative Society Ltd

Syllad | The Rising MeghalayaMarch 26, 2025

U Block Development Officer, Laskein C&RD Block Dr. FR Shadap haka 24 tarik Lber ula plie paidbah iaka Community Managed Training Centre (CMTC) jong ka Muthlong Pasyih Multipurpose Cooperative Society Ltd.

Ia ka jingialang la pyniad da ka president jong ka Muthlong Pasyih Multipurpose Cooperative Society Ltd ka Kong Bilet Tang bad la ioh ka jingkren lyngkot shaphang ka jingtrei kam jong ka CLF na ka secretary ka Kong Wiadwan Siangshai.

U Ma Fullmoon Hujon (DFS IBCB) ula kren halor ka jingthmu jong ka Community managed Training Centre (CMTC), katba u Ma R Shadap District Mission manager jong ka District West Jaintia Hills ula kyntu iaki dkhot ka ban nangtrei shitom shuh khang ban nanglah ban wanrah ia kiba bun ki jingmyntoi na ka bynta ki dkhot jong ka CLF bad ia ka thain hi baroh kawei.

U Dr. FR Shadap BDO Laskein C&RD Block kum u kongsan ula ai ka jingiaroh ia ka nongkit kam jong ka CLF ba lyngba ka jingtrei shitom jong ki ki lah ban pynurlong ia kane ka jingthmu khamtam ban shan ia kane ka CMTC kaba long ka lad kamai pisa ia ka CLF da kaba ki dei ban nangtrei shitom shuh nangne sha khmat ba kin nanglah ban wanrah ia ka burom jong ka thain bad ia ka Block hi baroh kawei.

Ka jingthmu jong kane ka Community Managed Training Centre (CMTC) ka long kum shi bynta ka lad pynmih pisa ia ka CLF. Kumta la khot bad wer ia kini kino ki tnad sorkar lane ki Organisation ki lah ban pynlong ia kino kino ki training lane ki jingialang jong ki khnang ba kan long la lad jingkyrshan ia CLF.

Kane ka CMTC ka don hapoh ka area Thadmuthlong A hajan Shangpung Community College.

La ioh ia ka jingkren ai khublei na ka kong Merry June Ymbon kaba dei ka EC member jong ka CLF.