La lap noh iaka met u Lakhon Phawa

Syllad | The Rising MeghalayaJune 8, 2025

Iaka met iap jong u Ma Lakhon Phawa uba ngam jyllop haka wah Umthe, kaba don hajan ka shnong Sakhain la lap haka 7 tarik Jylliew.

Ka jingjia ngam jyllop u Ma Lakhon Phawa kala jia haka 30 tarik Jymmang haka por kumba 5 baje janmiet hadien ba ula btuid ha katei ka wah haka por ba u dang thmu ban leit phai iing.

Iaka met iap jong u Ma Lakhon Phawa kaba per ha sla um jong ka wah Umthe la lap da ki nongleit khwai dohkha haka por 11.00 baje mynstep bad mar mar kiba la pyntip shaki pulit ka District.

Ki ba haiing kila kyrpad iaki briew ka ain ban pyllait noh na kaba leh Post Mortem, namar ba kim don kano kano ka jingsuba sniew bad hadien ba la pyndep iaki kam, ki pulit kila aiti noh iaka met sha ki ba haiing.