La kam lut iaki 3 tylli ki metiap ki nongbylla tih dewiong ba shah btep im ha Krem Ule

Syllad | The Rising MeghalayaJune 26, 2021

Kiba haiing hasem jong ki 3 tylli ki metiap kiba shah btep im ha krem dewiong ha Krem Ule, Umlpeng East Jaintia Hills kila wan kam bad shimti iaki metiap.

Iaka metiap kaba la ioh sei nyngkong haka 16 tarik une u bnai la tip kyrteng kum u Anowarul Islam uba na Najatpur, Katigorah, Assam. La wan ban kam ia kane ka met da u para jong u.

Ka metiap kaba ar pat kaba la sei haka 24 tarik la ithuh kum u Shyam Charan Debberma uba na 23, Darjiling Para, Gram Sayadchara PO Rajkuch, North Tripura. La wan kam iaka met da ka lok jong u kaba na Chellenga Dhalai District, Tripura.

Ka metiap kaba lai kaba la ioh sei haka 25 tarik la ithuh kum u Abdul Sakur bad udei uba na Pingajal, Badarpur, Assam. La wan pynithuh bad kam ia kane ka metiap da u para ar kmie.

Baroh lai tylli kine ki metiap la aiti haka sngi Thohdieng, ka 25 tarik u Jylliew bad iaka metiap u Shyam Charan Debberma la aiti haka sngi Saitjain, 26 tarik u Jylliew.

Ka khubor ka iathuh ba ki kynhun nongiarap ba kynthup iaki NAVY, NDRF, SDRF kim shym la ioh ban ngam shapoh krem mynta ka sngi namar ba hap maramot iaki tiar ngam um.

Nalor kata ka jingtan iaka um kala iaid shait shait kaba kiew haduh 22 phut bad lah ban tan iaka um kaba ka kot haduh 24 lakh litre tam na katei ka krem dewiong.