La jied iaki nongkitkam ka NPP Saipung Circle

Syllad | The Rising MeghalayaNovember 12, 2022

Ka NPP Saipung Circle haka sngi Thohdieng kala jied iaki nongkitkam jong ka na ka bynta ban pynkhlain iaka jingtreikam ka party NPP hapoh ka thain Saipung.

Ha kane ka jingjied nongkitkam la iadonlang ka kyrtong NPP Sutnga Saipung Constituency, ka Kong Santa Mary Shylla, u MDC Sutnga Narwan ma Seiborlang Shadap, Ma Joinriwell Pyrtuh Ex MDC Bataw-Lakadong Constituency, bad ki nongkitkam bad ki nongtrei ka party NPP na ki Circle bapher bapher badon hapoh 5-Sutnga-Saipung Constituency.

Ha kane ka jingjied nongkitkam la jied ia u Renga Ngamlai kum u president NPP Saipung circle, vice president Ngailiana Thiete, general secretary Zodin Thara Ngiarsiang, assistant secretary Sangpuia Nampui. La jied ruh iaki 4 ngut ki nongaibuit. U Ma Heimonmi Lamare Secretary ka 5-Sutnga-Saipung NPP block ula kyntu iaki nongkitkam jong ka party ban iai trei shitom na ka bynta ka candidate jong ka NPP khnang ban ioh rah ia u soh jong ka jingjop ha u snem 2023.