La ioh khaw rashon ha WJH

Syllad | The Rising MeghalayaMay 17, 2025

U Deputy Commissioner (Supply) u la pynbna paidbah ba la pyllait ia u khaw AAY, PHH bad u non-NFSA na ka bynta u bnai Jymmang 2025 sha baroh ki wholesalers na ka bynta ban pynpoi sha ki FPS centre.

Ka bhah khaw Antyodaya Anna Yojna (AAY) yn sam ha ka jingthew ka ba 35 Kg shi khlieh shi bnai bad ym donkam siew eiei (free of cost).

Priority Household (PHH) khaw yn sam ha ka jingthew kaba 5 Kg shi khlieh shi bnai bad ym donkam siew eiei.

Katba ka bhah Non- NFSA yn sam ha ka jingthew ka ba 7.105 Kg shi card/iing ha ka dor ba la pynbeit da ka Vigilance Committee bad ym dei ban die tam ia ka dor T.14/- shi kg.

U Deputy Commissioner ula bthah ia baroh ki dukan FPS dealer ba ki dei ban wan shim, ia ki permit na ka ophis jong u Deputy Commissioner (Supply) bad ban sam pyndep hapoh 10 tarik Jylliew 2025 khlem pep da kaba pyndomkam ruh iaka kor e-pos machine da ka ka online mode.