La ïoh iaki suloi kiba shah knieh na Wah Umkhrah

Syllad | The Rising MeghalayaAugust 23, 2021

Ka kynhun jong ka Search Rescue Team (SRT) jong ka Meghalaya Fire and Emergency Services haryngkat ka jingiadonlang ki pulit jong ka East Khasi Hills haka sngi Nyngkong kila ioh biang iaki lai tylli suloi INSAS Rifles jong ki pulit ka jylla kiba la bret ha Wah Umkhrah na jingkieng Umpohliew, Jaiaw Laitdom.

Kine ki lai tylli ki suloi kidei jong ki pulit Mawkynroh outpost kiba la shah knieh ha ki briew bym lah ithuh haka jingiakhih pyrshah haka 15 tarik Nailar bad la kynnoh ba la bret ha katei ka jaka.

Ka SRT kala pynlong iaka jingwad ia kine ki suloi hadien ba kala don ka shithi na ka briew kiba bym shym la pynpaw kyrteng ba kam ba ia kitei ki suloi la bret ha Wah Umkhrah.