La aiti ka Loompyrdi Iongpiah iaki prize sha ki nongjop ka Lucky Draw

Syllad | The Rising MeghalayaJanuary 5, 2020

JOWAI: Ka Dorbar Shnong Loompyrdi Iongpiah, Jowai kala aiti ïaki prize Lucky Draw 2019 sha  baroh ki nongjop haka 4 tarik une u bnai ha Madan Mynkoi Pyrdi, Jowai.

Ia kane ka lucky draw la pynkhalai haka 28 tarik u Nohprah 2019.

Iaka First Prize (Hyundai Venue) la ioh rah da u Da oo hi Laloo na Loompyrdi Iongpiah (Ticket No: 08888). Ka Second Prize (Ksiar 3 Tola) la ioh da ka Dapmaya Shadap na Ladthadlaboh, Jowai (Ticket No: 08085) bad ka Third Prize (Scooty Yamaha) la ïoh da u Leonardo Laloo na Loomkyrwiang, Jowai (Ticket No: 18829)

Ïa ki 10 tylli ki Consolation Prizes la wan kam tang da ki 6 ngut ki nongjop kynthup iaka Consolation No. 2 (16111) ba la ioh da u Thnarki Laloo, No. 4 (05455) u Shibu Shill, No. 5 (07007) u Wyrta-i-bha Challam, No. 6 (04137) u Hawasakiru Paswet, No.9 (01931) u Ram Passah bad ïa ka No.10 (17624) da u Samdaki Yoo Shullai.

Ka Dorbar Shnong kala kyrpad ïa kiwei ki nongjop jong ki Consolation Prizes No. 1 (05444), No. 3 (01767), No. 7 (08233) bad No.8 (01931) ba kin wan kam ïaki prize hapoh ka por ba la buh.

Ka Dorbar Shnong Loompyrdi Iongpiah ka shim ka kabu ban ban pynpaw iaka jingsngewnguh ia baroh ki nongthied iaki ticket Lucky Draw bad ia baroh kiba iashimbynta bad kyrshan ïaka fete jong ka shnong Loompyrdi Iongpiah ban pynmih pisa iaka shnong bad ban kyntiew ïaki kam ba bha jong ka shnong.