La ailad ban plie ki dukan shna mobile, computer, kharang bad tungtap ha West Jaintia Hills

Syllad | The Rising MeghalayaApril 26, 2020

U District Magistrate jong ka West Jaiñtia Hills District ula pyllait naka curfew ia ki dukan die bad shna mobile bad computer kumjuh ki dohkha rang bad tungtap ha West Jaiñtia Hills District.

Ïa ki dukan die mobile, kiba maramot ne shna, ki computer bad ki kiwei kiwei ki tiar ki tar jong ki mobile bad computer la pyllait n aka jingpynjari curfew. Ki dukan kiba lah ban plie ki dei tang kito kiba la jied da ki Waheh Shnong bad ka sngi ba kin plie ka dei haka Sngi Balang bad Sngi Saitjain.

Kine ki dukan kim dei ban pynbun nongtrei ha ki dukan ne ki service centre.

Ki nongtrei ki dei ban deng iaka Mask haba trei bad dei ban buh iaki hand sanitizer ha kine ki dukan.

Ym shah iaki dukan ba kin pdiang bun ngut ki nongthied nongpet hapoh ki dukan.

Ki trai dukan ki dei ban pynthikna ban bud ryntih ïaka Social Distancing ban ieng kham pajih ne ban shong kham pajih haduh 1 metre, ban synreit dawai pyniap khniang ha dukan bad ban bud iaka jingbthah halor ka rukom jyrhoh, synriah bad ban sait kti da ka um bad ka sabon.

Shuh shuh ha kawei pat ka jingpynbna u District Magistrate ula pyllait ruh ban die dohkha rang ba kynthup iaka ktung Tungtap.

Halor kane la bthah iaki synjuk Waheh Shnong ban jied iaki dukan die wholesaler khnang ban pynbeit iaka rukom kit ia kine ki ktung bad dohkha katkum ka jingbthah jong ka tnad ka koit ka khiah kaba mih na ka khlam COVID-19.