Kyrshan ki exporter ban sangeh shuwa ka khaii bar ri na Tamabil Dawki LCS ong ka KSU

Syllad | The Rising MeghalayaJune 13, 2020

Mynta ka sngi ki nongialam ka Khasi Students’ Union War Jaintia Circle bad ki nongialam ka KSU South Central East Circle kila khot iaka jingialang hadpeng ki Exporter na War Mihngi bad Na War Jaintia ha ryngkat ki nongialam shnong jong ka thain bad kila shim iaka rai ban sangeh shuwa ka jingkhaii bar ri hapdeng ka India bad Bangladesh lyngba ka kad khaii Tamabil Dawki LCS.

Ha kane ka jingialang la iadonlang Laitphar Syngkrem na ka KSU War Jaintia Circle bad Eleaser Diengdoh naka KSU South Central Circle ha ryngkat ka jingiadonlang ki nongkhaii bar ri ka thain War Jaintia.

Ka KSU kala ong ba ki exporter ne ki nongkhaii bar ri kila mynjur ban sangeh shuwa ka jingkhaii bar ri tad haduh bala kham jem ka jingpang khlam COVID-19 ha ri Bangladesh tad haduh b aka sorkar Jylla kan lah ban pynbiang ia baroh ki lad jingiada, katkum ki jingbthah ka tnad ka koit ka khiah.

Also Read : COVID-19: Khot jingialang u DC West Jaintia Hills halor ka khaii bar ri hapdeng ka India bad Bangladesh

Ka KSU kala kam ba ki nongkhaii bar ri kila ai ka jingkyrshan kaba pura ïaka nongrim ba ka KSU ka ieng bad ai jingmut iaka sorkar ban ym kyrkieh ban plie iaka jingkhaii bar ri lyngba ka kad khaii Tamabil Dawki LCS.