Kyrshan ka HYC halor ka jingdawa pyndam iaka coke factory ha Nongsning bad Umrasong

Syllad | The Rising MeghalayaFebruary 18, 2024

Ka HYC East Jaintia Hills kala ai ka jingkyrshan kaba pura iaka shnong Nongsning bad Umrasong halor ka jingdawa ban khang khyrdep iaka karkhana Coke Factory kaba don ha khappud ka shnong Nongsning, Umrasong bad Umtyra kaba la tip kum ka M/s Prisidium Brez.

Ka dorbar shnong Nongsning bad ka Umrasong haka 16 tarik une u bnai kila mih paidbah kynthei bad shynrang ban dawa khang khyrdep ia kane ka karkhana saiñ rnga dewiong namar ba kala ktah iaka tyllong um ka jong ki tang hadien bala sdang ban shna ia kane karkhana.

Ka HYC kala ong ba ki nongshong shnong jong kitei ki shnong ki la mad iaki jingeh namar ba la shah ktah ki tyllong um jong kine ki shnong kaba ki pyndon kam manla ka sngi. Kala ong ruh wat la kane ka karkhana kam pat sdang ban sain ia u rnga dewiong kala ktah iaka um bam um dih, lada ka treikam pura, khlem pep kan pynjulor sa iaka haw haw nalor ki um ki wah.

Mih paidbah ka shnong Nongsning bad Umrasong ban dawa khang iaka karkhana Coke

Na kaliang ka HYC kala kyntu iaki nongmihkhmat ka thain, ka sorkar bad ka MSPCB ban sngap iaka sur u paidbah uba ieng pyrshah ia kane ka karkhana bad ym dei ban ai jingbit iaka ban sdang ha kaban sain ia u rnga dewiong

Ka HYC kala kyntu ruh iaki bor shnong ba kim bit ban ai NOC ia kum kine ki karkhana ba wanrah jingduhnong ia ka imlang sahlang bad ktah iaka sawdong sawkun ka mariang.