Kyntu u MLA ka BJP ia u Myntri ka DoNER ban ai Direct Funding ia ki District Council

Syllad | The Rising MeghalayaJanuary 30, 2025

U MLA ka BJP na South Shillong, u Bah Sanbor Shullai ha ka 29 tarik Kyllalyngkot u la iakynduh ia u Myntri khynnah ka Sorkar Pdeng uba khmih ia ka DoNER u Dr Sukanta Mazumdar bad ban jur na ka bynta ban pynioh ia ka Direct Funding ia ki District Council ka Jylla bad ruh ban aijingiarap pisa sha ki.

U Ban Sanbor u la ioh ruh ban iakren halor ki project bapher bapher kiba dang sahteng ha ka jylla, bad ha kajuh ka por u la kyrpad ruh ia ka Sorkar Pdeng ba kan pyllait ia ia ka scholarship katkum ka por kaba dei.

Nalor kata u la pyntip ruh ba na ka liang une u Myntri ka Sorkar Pdeng un sa wan jngoh biang sha kane ka Jylla hadien ba la kut ka elekshon District Council ha kaba un iakynduh ruh ia ki nongialam jong ki District Council ban iakren halor ki jingeh bad ki jingdonkam ba shongnia jong ki.