Kyntu u CM ia ka HNLC ban wanphai sha ka miej jingiakren iasuk hapoh ki kyndon ka MHA

Syllad | The Rising MeghalayaFebruary 9, 2024

U Myntri Rangbah ka jylla u Conrad K Sangma haka 9 tarik Rymphang u la ong ba ka sorkar ka long la kloi ban bteng ia ka jingiakren iasuk bad ka seng Hynniewtrep National Liberation Council (HNLC), kata hapoh ki kyndon ba la buh da ka Ministry of Home Affairs (MHA).

Haba kren sha ki lad pathai khubor, u Sangma u la ong ba um lah ban kynthoh ei ei halor ka jingpynpaw jong ka seng HNLC khlem da iohi ia ka jingthoh kaba biang.  

“Hynrei, Nga iai ban ba ngi plie ia ka lynti bad ngi kyntu ia ki ba kin wanphai pat sha ka jingiakren iasuk, ngi ruh ngi kwah ia ka jingsuk kaba neh bad kumta ngi iai kyntu ba ki dei ban wan sha ka jingiakren,” u la ong.  

Haba kylli u Conrad u la ong ba na ka liang ka sorkar ka la iaid ban na ka por sha ka por ba ki don ki kyndon bad ki jingbthah kiba la buh da ka MHA ia kiba la bud beit ryntih na ka bynta baroh ki kynhun Seng kiba ka sorkar India ka la pynlong ia ki jingiakren.

“Kumta yn bud beit ryntih halor ka nongrim jong kitei ki kyndon ba la buh da ka MHA, ngim lah satia ban iaid lait na kane namar kane ka dei ka bynta kaba la buh beit ryntih na ka bynta baroh ki jingiakren, bad kumta ruh lada kin sdang ban pynkylla ia kane na ka bynta Kawei na ar ki kynhun Seng, kumta ruh kin hap ban pynkylla na ka bynta baroh. Kumta hapoh ki kyndon ba la buh beit da ka MHA ngi long kiba kloi ban bteng ia ka jingiakren,” ong shuh shuh u CM.

U Sangma u la ong ruh ba ki la don ki jingshim rai ha ki por kiba la leit ha kaba la weng noh ia ki case.

“Hynrei, kumba Nga la ong la yn dang leh ne em ha ki por ki ban dang wan ka shong katkum ha ki case, hynrei lada phim sdang ia ka sienjam kumta ruh ngin ym poi shano shano ruh,” bynrap shuh shuh u CM.