Kyntu ka SBYWA iaka PWD ban maramot iaka surok Rymbai Borkhat

Syllad | The Rising MeghalayaJuly 15, 2021

Ka Southern Border Youth Welfare Association (SBYWA), East Jaiñtia Hills District kala kyntu iaka tnad PWD (Rds) ban maramot iaka surok naduh na Rymbai ter ter sha Borkhat namar ba kane ka surok kala sniew shaba palat..

Ka SBYWA kala ong ba kane ka surok kala dap da ki thliew ki syar bad ka ktieh bad ka shitom bha ban iaid ban ieng khamtam haba jur u slap ba iaid ka um na ka surok.

Kane ka surok la bun bun snem ym shym la siang rong iaka bad kadei ruh ka surok kaba kongsan ia u paidbah ka thain. Ka SBYWA kala kyntu iaka tnad PWD ban shna noh iaka surok na Borkhat sha Sunapur ban suk ka iaid ka ieng u paidbah.

Shuh shuh ka SBYWA lyngba u S. Shadap president SBYWA kala ai khublei ia u ma J Tariang, EE PWD (NEC) halor ka jing shim khia jong u bad ki nongtrei ka tnad ban pynkhuid kloi ia ki khyndew bad ki maw kiba hap hapdeng jong ka surok Rymbai-Bataw-Borkhat-Sonapur shuwa ban poi ka shnong Borkhat Kwator.