Kyntu ka JNC ban ker iaki transformer ban shngain ki briew bad mrad

Syllad | The Rising MeghalayaMarch 20, 2025

Ka Jaiñtia National Council (JNC) Jalaphet Circle hapoh ka jingialam u General Secretary Giken Langstang kila iakynduh ia u EE ka MePDCL Khliehriat Division Bah Micheal Pohshna ban aiti iaka jingujor halor ka jingbym ker bym da iaki transformer kiba don hapoh ka shnong Jalaphet.

Katto katne ki kyrteng jong ki jaka kiba ki transformer ki donkam ban ioh iaka jingker jingda ki long ha Than Mulait, Urshuni, Lad shur shur, shur shur, bad Lad Narwan.

Ka seng ka la ong haki jaka nongkyndong ka jingjia shah bat bording ki briew bad ki mrad ka ju jia khah khah kumta kala kyntu iaka tnad MePDCL ban ker iaki transformer ban shngain bad ban leit na ki jingjia ba sngewsih na ka jingduh iaki mrad mreng bad ki mynsiem briew.

U EE ula pyntip sha ka JNC ba kane ka kam ka hap hapoh ka jingpeit jong u SDO, bad ka seng ruh kala iakynduh ia u SDO bad naka liang jong u, u ong ba ka bor kam shong ha u hynrei haki bor kiba halor. Kala JNC kala pynpaw ka jinglyngoh ba kat u SDO um don bor eiei ban leh ha kaba iadei ban peit iaka jingshngain ki briew bad ki mrad ki mreng.

Ka seng ka kyntu iaka tnat bording khamtam iaka Khliehriat Division ba lada kam don bor ban peit iaka jingshngain u paidbah ka bha ban khang noh shisyndon namar ban shu shong rieh tngen ha kine ki jaka khlem da trei hok iaka kam bala bynshet kam myntoi shuh ban plie ia kane ka tnad. Kala banjur ruh ba ka tnad MePDCL ka dei ban ker iaki transformer bad lada ka pulom kan shim da kiwei ki sienjam.