Kyntait ka Nongtalang CHC ban pdiang nongpang byrthen khang tala ka KSU

Syllad | The Rising MeghalayaFebruary 3, 2022

Ka Khasi Students’ Union (KSU) War Jaintia Circle kala kynnoh ba ka Nongtalang CHC kala kyntait ban pdiang nongpang naka daw bym don doctor.

Ka KSU kala ong ba kane ka jaka sumar ka don tang uwei u doctor bad u bym treh satia ban iakren bad ki nongialam ka KSU haka por ba ki leit jurip ia kane ka jaka sumar haka 2 tarik une u bnai hadien ba kala ioh bun ki jingujor halor ka jingdkoh treikam ka Nongtalang CHC.

Ha kane ka jingleit jurip ka KSU la ialam da u president u Laitphar Syngkrem, general secretary Lurman B Talang  bad kiwei kiwei.

Ka KSU kala kyntu iaka tnat ka koit ka khiah ba kan shimkhia ban pynbiang iaki jingdonkam kane ka jaka sumar bad ban tohkit bniah halor ka jingbym pdiang ia ki nongpang ha kane ka jaka ai jingsumar.

Ka KSU kala byrthen khang tala ruh ia kane ka jaka sumar lada ka sorkar kam lah ban pynbiang iaka jingdonkam ka jaka sumar bad ka jingdonkam u paidbah nongpang.