Kynnoh thurmur ka jingpyniaid eksam NEET ha Jowai
Ki samla pule kiba leh iaka NEET-UG Exam kaba pyniaid da ka NTA ki kynnoh ba ka don ka jingthurmur haka jingpyniaid eksam ha Jowai Centre, ka ha St. Mary Mazzarello Girls Higher Secondary School Jowai.
Kane ka entrance ka dei kaba la khot pynlong da ka NTA haka 5 tarik Jymmang ha baroh kawei ka Ri.
Pynban kaba lyngngoh la kynnoh ba ka don ka jingthurmur ha ka rukom pyniaid iaka eksam ha Jowai Centre naduh ka rukom ai jingkylli bad ka jingshim iaki admit card.
La kynnoh la ai ar tylli ki jingkylli, hynrei hadien la shim ia kawei na ki jingkylli. Kawei pat ka dei halor ki Admit Card ha kaba nyngkong ka centre ka kyntait ban shim, ia kaba ki khynnah ki dei ban ai hadien ba sign ha khmat u invigilator bad ai sha ka centre. Phewse ia kane ruh hadien ba pynbor ki khynnah kiba ju ialeh bad kiba sngewthuh iaka kyndon ka eksam ka centre kala shim noh pat.
Ki don pat kiba hap wan ai biang hadien bala dep thoh iaka eksam iaki admit card.
Halor kane ki khynnah kiba iakhun eksam kila ai da ka jingthoh sha u Controller ka NTA (NEET UG 2024) lyngba ka centre bad la phah kopi ruh sha Myntri pule puthi ka jylla, DC bad kiwei ban kyrpad ban ialeh exam biang.
Facebook
Instagram
Youtube
Twitter
Leave a Reply