Kynnoh ka KSU ba ka East Jaintia Hills kadei ka jaka rung ki nong Bangladesh

Syllad | The Rising MeghalayaJune 3, 2025

Ka Khasi Students’ Union (KSU), South West Border Area Circle, East Jaintia Hills kala kynnoh ba ka East Jaintia Hills District ka dei ka thain kaba laitlan kaba ioh rung suk u nong Bangladesh na ka daw ka jingiasylla ki trai shnong ban iarap ban phrung tuh lyngba ki jaka khappud.

Ka KSU ha u kyrwoh kala ong: “Hapdeng ka jingjur ka jingsyier ba ioh rung ki nong Bangla shapoh jylla ka KSU South West Border Area Circle East Jaintia hills district ka phah iaka khubor kaba shai da kaba pynrem iaka jingiai bteng ka jinglaitlan ka jingrung ki nong bangla sha u pud u sam ka jylla lyngba ka jaka khappud Indo-Bangladesh border.”

“Wat la bunsien na ka liang ki paid ka shnong ki samla ki pyrshang katba lah ban tehlakam ia kane ka jingrung beaiñ ki nong Bangladesh sha ka jylla, ki don ki trai ri kiba iarap pynrung ia kum kine bar ri. Kine ki kynhun ki lah shim ia kane ka kam kum ka kam khaii ne business bad ki la poi shaduh u pud ba ki maham ruh iaki trai shnong sha kitei ki thaiñ border ba kim dei ban tuklar iakane ka kam beaiñ jong ki. Ka KSU South West Border Area Circle East Jaintia Hills ka iai pyrshang ban khanglad ia kum kine ki kam, hynrei kane ka kam ka lah kylla long kaba eh namar don ki Khasi kiba iarap ban pynrung tuh ia kine ki bar ri,” la pynpaw ka KSU bad bad kynnoh ba kine ki kynhun ki maham ba ym dei ban tuklar ioh jia eiei ba sngewsih iaki.

Kum ban shu pynkynmaw ba lah don kawei ka khep ba ki BSF ki ioh bat lai ngut iaki nong Bangla kiba thmu ban rung sha jylla, hynrei kaba sngewsih ka long ba ki trai shnong hi kiba lam lynti ia ki bad namar ba kine ki kynhun ki lait na ka kti jong ka ain ka buh jingma shuh shuh iaka jylla jong ngi.

Ka KSU kala kyntu iaka tnad pulit ban leit sha kine ki jaka kin sakhi da dalade iaka jingshisha bad kane ka jingioh rung beain ki bar ri ka bun iaka jingshngain ka ri haka jingma.

Ka KSU kala dawa ban pynshitom ia kum kine ki kynhun kiba buh iaka ri haka jingma, bad kala pynpaw ba ka kloi ban ai ka jingiatreilang bad ki shipai iada khappud BSF ban khanglad ia kane ka kam beaiñ.