Kynnoh ba khlem burom u dolloi elaka Nongjngi iaka JHADC halor ka ïaknieh jaka ha Namdong A

Syllad | The Rising MeghalayaSeptember 18, 2021

Ka Dorbar Shnong Namdong – A kala pynpaw ka jinglyngngoh hadien ba u Dolloi ka Elaka Nongjngi u khlem khot bishar haka village court iaka jingiaknieh iaka jaka kaba don ha Khlieh Lamanang kaba hap ha Elaka Nongjngi hadpeng ka shnong Namdong A bad u wei u briew uba kyrteng u Romario Sungoh.

U Revenue Officer, ka JHADC ula ai por haduh 15 tark Nailur ban pynbeit ia kane kam iaknieh jaka hapdeng ka shnong bad u Romario Sungoh, pynban ka shnong Namdong A kala ong ba haduh bala kut ka tarik bala buh, u Dolloi ka Elaka Nongjngi u Copiousness Daw um shym la shim bishar bad ka shnong ka sah haka umdum.

U Ma Shiningstar Thubru, Secretary Shnong Namdong – A, ula ong ba kila phah ia ka ujor sha u Revenue Officer jong ka JHADC hadien ba kila ioh jingtip ba u Romario Sungoh ula thmu ban leh Land Holding Certificate iaka jaka jong ka shnong ne patta kaba la pyndam.

Katba u Ma Romario katkum ka report bala phah u Revenue Officer sha u Chairman/ Secretary Village Court Elaka Nongjngi ba kane patta bad ka lumkseh kadei kaba ula thied duh na uwei u briew ba shong basah ha Mookyrdup, Ladthadlaboh, Jowai katkum ka dostabit dieduh 30/06/20.

Ka shnong Namdong A kala kynnoh ba u dolloi ula leh donbor wat ha dien ba kila buh ia ki jingujor ba um bit ban rekomen ia kane ka jaka pynban um shem la sngap bad iaid shakhmat khlem da bishar bniah bad khlem kohnguh ne burom ruh iaka jingbthah jong u Revenue Officer JHADC.

Ka shnong Namdong A kala pynrem jur ia u dolloi Elaka Nongjngi namar um tip eiei ia ki jaka putta jong ka Elaka bad ki shnong ki thaw namar ba ia ka jaka kaba tip kum ka Khlieh Lamanang Mynksing Thadthawi u la pynkylla da ka kyrteng Myrlein kaba ym don hapoh u pud u sam ka shnong Namdong bad Raij Namdong.