Kynjah jar ka sor Jowai, sdang ka khangdam ba 36 kynta

Syllad | The Rising MeghalayaApril 26, 2022

Ka sor Jowai mynta ka sngi kala kynjah jar ha kaba la sakhi ba ki iew ki hat bad ki basa iew, ki jaka ieng kali bad ki lynti synkieng kila thylli hadien ba la sdang ka jingkhangdam ba 36 kynta.

Kane ka jingkhangdam dei kaba la khot da ka Dorbar Shnong Tympang Iawmusiang kaba la sdang naduh ka por 6 AM bad kan kut lashai ka sngi haka 6 PM.

Ka jingpynlong ia kane ka jingkhangdam ka dei hadien ba ka phiel ka jingpyllang ñiut ha Jowai bad ka Iawmusiang kadei kawei na ki shnong kaba shah ktah naka jinglumthup ki ñiut kaba la wanrah iaka jingsma iwtung bad pynthud ka iaid ka ieng ki kali motor.