Kynduh mawsiang ki Navy ban sei ïaka met ba ar na krem dewiong

Syllad | The Rising MeghalayaJanuary 27, 2019

KSAN: Ki nongngam um kiba tbit jong ka Indian Navy kila iohi sa ïa kawei ka met hapoh ka krem dewiong ha ka Ksan, East Jaiñtia Hills ha ka por 3 baje mynstep haka sngi Saitjaiñ, hynrei wat hadien ka jingpyrshang kaba tyngeh kim pat la satia ban sei ïa ka met haduh bala thoh ïa kane ka khubor.

Ki nongngam um ka Indian Navy ki ïakynduh shibun ki jingeh hapoh ki krem dewiong khnai haba ïadei bad ki tiar ki tar, pipe ba pyllait lyer ne exhaust pipe; kumjuh ruh ki tiar ba pyndonkam ban khlong dewiong bak jingdum, kumta ki Navy NDRF ki ïakynduh mawsiang ban sei ïaka met.

Ka pump tan um jong ka Coal India Limited (CIL) ka la tan haduh 4590000 litres na artylli ki thylliew naduh mynnin janmiet haduh 5 baje mynta ka sngi kaba long haduh 34 kynta.

Hynrei katei ka jingïakhun ka dang shimpor na ka daw jong ka jingduh noh jong ka pump um jong ka KSB bad mynta ki dang ïa pyrshang ban maramot ïa ka kor. Ka tnat NDRF ka dang ai ka jingïarap bad kiwei de ki tnat treikam.