Kylla ïing jah ka Sub Centre Moodymmai, ujor ka JSU

Syllad | The Rising MeghalayaApril 18, 2021

Ka Sub Centre jong ka shnong Moodymmai kala kylla ïing jah bad ym don mano mano ba peit ban pynbha ia kane sub centre.

Ka JSU Moodymmai Unit halor kane ka jingshah ieh ka Sub Centre Moodymmai haka sngi Thohdieng kala ujor sha u DMHO, West Jaintia Hills District bad dawa na u ban maramot ia kane ka sub centre bad pynbiang ia baroh ki jingdonkam.

U president JSU Moodymmai, Nevercare Passah ula ong ba kane ka iing kala jot rathai bad ka tnum ruh kala pei nalor ba kam don ki painkhna bad ka umbam umdih kiba biang. Ka JSU kala dawa na u DMHO ban shna ia katei ka sub centre khnang ba kan lah ban ai ka jingshakri ia u nongshong shnong.