Kut noh ki prokram jingialehkai ka Jingiaseng Samla Sutnga District ban kynmaw burom ia u nongseng ka Niam Khristan

Syllad | The Rising MeghalayaOctober 1, 2023

Kum shibynta ban kynmaw burom ia U Khulu Malang, ba long u Nongseng ia ka niam Khristan hapoh ka Sutnga Presbytery, ka Jingiaseng Samla Sutnga District, Socio Economic Life Development (SELD) kala pynlong da ki prokram ialehkai bapher bapher bad la pynkut noh ia kane ka prokram haka sngi Saitjain.

Haka jingialehkai Football jong ki Shynrang, ka Jingiaseng Samla Balang Sutnga, ka la jop da 1-0 iaka Jingiaseng Samla Balang Moopala.

Katba ka jingialehkai Football naka liang jong ki Kynthei, Ka Jingiaseng Samla Balang Sutnga kala jop da ka tie breaker da 3-2 iaka Jingiaseng Samla Balang Sakhain.

Ha ka jingialehkai iatan tyllai (Tug of War) ka jingiaseng samla Balang Wailong ka la jop ia ka Jingiaseng Samla Balang Sutnga.

Kiwei kiwei ki jingialehkai ki kynthup iaka 100m Race, Relay Race bad Sack Race.

Haba pynkut ia kane ka prokram la wan sakhi da ki Pastor, Tymmen Basan, Rangbah Balang, ki longkmie ki longkpa ki khun Samla jong ka District. U Kongsan ha kane ka sngi u dei u Tbn. CS Roy Nongtdu bad u Symbud kongsan u ma Dame Dkhar.