Kut noh ka Inter School Athletic Meet u DSO East Khasi Hills District

Syllad | The Rising MeghalayaApril 27, 2024

Ka Distrcit Level Inter School Athletic Meet kaba lai sngi ka ophis u District Sports Officer ka East Khasi Hills District ka la poi noh sha kaba kut mynta ka sngi ka 26 tarik u Iaiong ha SAI STC NEHU.

Ha ke ka kynti la wan ban iashim bynta haduh 47 tylli ki skul kiba la sei madan ia la ki khynnah ban ialehkai ha  ki rta ialehkai ba kynthup naduh ka U-14, U-16 bad ka U-18 Kynthei bad Shynrang.

Ha kaba kut jong ka sngi la ioh ban sam ia ka khusnam lahduh jong baroh ki lai tylli ki rta ialehkai, kaba ha ka Under-14 ha ka liang ki shynrang la rah da ka Army Public School kaba la khur 2 tylli ki takma, katba ha ka liang ki kynthei la rah da ka Lereto Convent ha kaba la khur 3 ki takma ksiar bad mar 2 tylli ki takma rupa bad rnong.

Ïa ka nam lahduh ha ka Under-16 ki shynrang la rah da ka St. Anthony’s kaba la khur 6 ki takma ksiar bad kawei ka rupa, katba ha ka liang ki kynthei la rah da ka Garo Union School kaba la khur 5 ki takma ksiar bad kawei ka rnong.

Haba phai sha ka Under-18 jong ki shynrang la rah da ka H Elias Memorial HSS kaba la khur 4 ki takma ksiar bad mar kawei ka takma rupa bad rnong, katba ha ka liang ki kynthei la rah da ka St. Mary’s HSS kaba la khur 6 ki takma ksiar bad 3 ki takma rnong.

Shuh shuh ka ophis ka la sam ruh ia ka khusnam rang bad thei ialehkai ba kynsai (best athlete) kaba mynta ka kynti ha ka Under-14 Boys Donboklang R. Marak – 1st MLP BN SS  (1 Gold 60m) bad ka  Amandy Rumnong – Loreto Convent (2 Gold in 60m & Long Jump),Under-16 Boys Betting Sangma – Garo Union School (1 GoLd  Long jump) Under-16 Girls  Kasanchi Marak – Garo Union School (2 gold in 100m & 300m), Under-18 Boys Damebansan Gareth P. Rymbai – St. Edmunds School (2 gold in 400m & 200m)Under-18 Girls  Chitra Marak – St. Mary’s HSS (2 gold in 100m & 200m).

U kongsan ba la wan ban sakhi lang ia ka sngi ba kut kane ka jingiakob dei u Swapnil Tembe ba dei artad u Director jong ka School Education and Literacy, u DSO ba la shongthait ka East Khasi Hills u bah George B Lyngdoh,  u O. Mawthoh, DSO, Bah Goldenstar Kharbuli, Vice President jong ka Archery Association of Meghalaya ki Principal, ki Nonghikai lem bad ki khynnah skul.