Kut noh ka iakop Judo “Asmita Khelo India, Women’s Judo League East Zone”
Ka jingiakob ialehkai judo jong ki samla kynthei ba la tip kum ka “Asmita Khelo India, Women’s Judo League, East Zone,” ka la poi noh sha kaba kut ha ka 19 tarik Nailar hapoh SAI STC, Indoor Stadium.
Ha kane ka sngi la ia don lang ruh u MLA ka Nongkrem Constituency u Bah Ardent Miller Basaiawmoit kum u kongsan ryngkat u Dy. Director jong ka SAI, STC, NEHU u T.S Chauhan, ki dkhot nongkitkam ka Meghalaya Judo Association bad Judo Federation of India.
Ha kane ka jingiakob la sakhi ia ki samla kynthei ka jylla Manipur, kiba la ioh ban khur ia la ki nam jop jan ha baroh ki bynta jong kane ka lympung jingiakhun, kata ia kaba la bynrap lang da ka jingjop jong kiwei pat ki thei ialehkai ba kynthup na kane ka jylla Meghalaya.
Ki nongjop na kane ka jingiakob nalor ki takma bad ki syrnot ki la ioh ruh ba kin khung ia ka song pisa kaba long lai hajar tyngka ia kiba wan ba-lai, san hajar tyngka ia kiba wan ba-ar bad 7 hajar kiba wan nyngkong.
Kumjuh kine ki thei ialehkai ba ioh ban bat ia ka kyrdan kaba nyngkong bad kaba ar kin bteng ban jam shakhmat ban iakhun pat sa ha ka kyrdan ialehkai National level jong kane ka lympung.
Facebook
Instagram
Youtube
Twitter
Leave a Reply