Kut noh ka 2nd District Open Badminton C’ship ka WJDSA

Syllad | The Rising MeghalayaSeptember 28, 2019

JOWAI: Ka 2nd District Open Badminton Championship kaba pynïaid da ka West Jaiñtia District Sports Association (WJDSA) kaba long ha Kiang Nangbah Indoor Hall, Ladthadlaboh kala poi noh sha kaba kut haka sngi Saitjaiñ.

Ïa kane ka lympung kaba sdang naduh ka 23 tarik une u bnai la wan ban pynhap pyrda da u ma Kmen Shylla, Waheh Shnong jong ka Dorbar Shnong Wahïajer.

Ha kane ka lympung ki don haduh 70 ngut ki nongïalehkai kiba la wan ban ïashimbynta naduh ka kyrdan U-11, U-13, U-15, U-17 bad U-19 nalor ka senior bad ka 40 bad 50 snem shaneng ba kynthup ïaki shynrang bad kynthei.

Ki katto katne ki resol na ka jingiakhun final haka U-11 Boys single, u Nethaniah Paswet ula jop ïa u Orfeo Passah da 21-4, 21-9.

U-13 Boys Single, u Leminelson Suchiang ula long u lahduh hadien ba ula pynliem ïa u Lorence Dkhar da 21-5, 21-15.

Haka jingiakhun U-13 Boys Doubles u Suchanmi Toi bad u Lorence Dkhar kila jop ïa u Leminelson Suchiang bad Nathaniel Manmiwakor Paswet da 21-12, 10-21, 21-13.

U-17 Boys Single, Ritre-oo Nongpluh ula jop ïa u  Sambul Lamare da 21-19,21-12.

Haka U-15 Girls Doubles, ka Josefina Dala Passah bad ka Aureliana Estefany Passah kila jop ïaka Dahuni Litting bad ka Alvinia Kma da 21-18, 21-8.

Haka U-15 Girls Single, ka Josefina Dala Passah kala long ka lahduh hadien ab kala pynliem ïaka Dahuni Litting da 21-10, 21-8.

Under 19 Boys Single, Deilangwa-oo Nongpluh ula jop ïa u Rishanmi-oo Bamon da 21-18, 21-9.

Haka Women’s Double, ka Josefina Dala Passah bad ka Ribhalang Passah kila jop ïaka Wandakahi Passah bad ka Chandasaka Kharsancha da 21-17,21-16.

Haka Men’s Single, Mebanker Chullai ula pynliem ïa u Deilangwa-oo Nongpluh da 21-13, 21-19.

Haka Women’s Single, Josefina Dala Passah kala jop ïaka Wandakahi Passah da 21-18,21-19.

Haka kyrdan 40+ Men’s Doubles, Dawanohi Chullai bad Rimilan Passah kila pynliem ïa u Mekit Sutnga bad Philip Bareh da 21-19, 21-17.

Haka kyrdan 50+ Men’s Single, u Ambrose Neil Gatphoh ula pynliem ïa u Polestar Niangti da 18-21, 21-13, 21-12.

Haka Mixed Doubles, Mebanker Chullai bad ka Josefina Dala Passah kila jop ïa u Daymeniv Chullai bad ka Wandakahi Passah da 21-16,21-14.

Haka 50+ Men’s Doubles, u Stephenson Blah bad u Pynbianglang Laloo kila jop ïa u Salan Paswet bad u Teddy Laloo 18-21,21-14,21-16.

Photo Courtesy| Rimilan Passah