Kut ka lympung ialehkai football ka Lumpyngngad SC

Syllad | The Rising MeghalayaDecember 7, 2020

Ka Lumpyngngad Sports Club ka la pynkut noh ia ka Inter Group Football Tournament 2020 haka sngi Saitjain ka taiew bala dep.

Ha kane ka jingiakhun phainal ka long hapdeng ka Group A pyrshah ia ka Group D  haka madan ialehkai ka shnong Lumpyngngad bad iaka nam lahduh la rah da ka Group D da shikol lyngba ka kol kaba la thep Fernando Pohkyrnu.

U General Secretary Jaintia Students’ Union (JSU) Central Body u Treiborlang R Suchen u la sakhi ia kane ka jingiakhun kum u kongsan haka jingiadonlang General secretary ka War Jaintia circle u Kerrydiam Lamin kum u symbud kongsan. La iadonlang u Waheh chnong Lumpyngngad u Ma Sukmon Swer bad u Sports secretary ka club u Bah Royalty Rymbai.

Ha kane ka jingiakhun la sam ruh iaki khusnam nam Top scorer kaba la ioh da u Sevarious Rymbai, ia ka nam Best defender la rah da u Rymphang Pohkyrnu bad ia ka nam best Goalkeeper la rah da u Dibormi Amrynsong bad ka khusnam kyrpang sha u Ebenezer Pohshna kum rangialehkai ba khynnah tam.

U Treiborlang R Suchen haba kren ula kyntu kympham iaki rangialeh kai ba kin iaineh ban iai ieid ia ka jinglehkai phutbol bad kin nang kilan shuh shuh ban nangkiew shakhmat namar ka thaiñ War Jaintia ka la sei bun ki player kum u Phrangki Buam u ba lah poi sha duh ka lympung ISL ka lympung ialehkai baheh duh ha ka ri India. U kongsan u lah kyntu ia ka Lumpynngad Sports Club ba ka dei ban pynlong man ka aiom ia kum kane lympung jingialehkai khnang ba ki kynnah samla ka shnong kin nang ioh ban pyntbit shuh shuh bad kin lait na ki jingdih ba sniew kaba lah ban pynjot ia ka imlang ka sahlang bad ban ioh ka met kaba koit kaba khiah.