Kut ka jingiaseng samla KJP Assembly ba 10 ha Mustem, ka khubor ka long ban pynkhraw ia U Blei

Syllad | The Rising MeghalayaApril 11, 2022

Ka jingiaseng KJP Assembly kaba 10 kaba long ha Balang Presbyterian Mustem kaba sdang naduh 8 tarik kala poi noh sha kaba kut haka Sngi U Blei kaba la wan ban iashimbynta da ki riewngeit ka balang Presbyterian na kylleng Khasi Jaintia.

Ka mat pdeng jong kane ka jingiaeng ka long “Ka jingïaineh ha U Khrist” Ïoannis: 15:4

Haka jingïaseng kaba nyngkong la sam ïaka khubor ka Ktien U Blei da u Rev. K. Pariat katba haka jingïaseng nohphai sngi la sam ïaka khubor ka Ktien U Blei da u Rev. IW Nongsiej uba long u Moderator jong ka KJP Synod Sepngi.

Ki Balang kiba la shim bynta haki jingrwai Choir ki long ka Jingïaseng Samla Balang Thadlaboh, Balang Umsaw Khwan, Balang Mairang, Standing Choir KJP Synod Sepngi, Standing Choir KJP Synod Mihngi bad ka Jingïaseng Samla Balang Mustem.

Ka Jingiaseng Samla Khasi Jaiñtia Presbyterian Assembly kaba 11 kan long haka Balang Presbyterian Mawlong, Tyrna District, Sohra Presbytery KJP Synod Sepngi haka 12 tarik haduh 14 tarik Iaiong 2023.

Ka khubor kaba la sam da u Rev. IW Nongsiej ula pynshong nongrim ïaka jingkren katkum ka Gospel Lukas 19: 28-40 kaba dei shaphang ka jingleit rung u Jisu Khrist sha nongbah Jerusalem kum u Syiem shuwa ka jingsah narphna ia U, katba ki pharishi ki pyrshah bad bthah ia u Jisu ban pynsangeh, ka jubab U Jisu kalong lada u pynsangeh yn sawa ki maw ki dieng.

U Pastor Nongsiej, ula haba sam shuh shuh iaka khubor sha ki paraba ngeit ula ong ba U Blei u peit ïa nga ïa phi la ngi don ne em kata ka jimgsngewrit ka mynsiem ka jingluilui ka mynsiem jong ka jinglong shida haka jingshakri bad jingmane ka jong ngi ia U Blei, kumba u khun kada uba kit ia U Jisu haduh bala poi Jerusalem.

Lyngba kane ka khubor u nongkren u khot bad pynkynmaw ïaki para bangeit ban long kiba husiar ban ym long kiba kren beiñ Blei hynrei kum kiba ka jied to yn pynkhraw ïaka kyrteng jong U haki por baroh.