Kurup ki pulit ka East Jaintia Hills 69 kilo u kynja na Kongong shah kem lai ngut 

Syllad | The Rising MeghalayaJuly 27, 2023

Ki pulit ka Khliehriat, East Jaintia Hills ki la ioh ban kurup haduh 69.196 kilo u kynja na kawei ka kali Swift Maruti car hadien ka jingpynap shrip ha ka lynti surok NH-06 ha ka shnong Kongong ha kaba kila kem noh ruh ia laingut ki briew kiba donkti ha ka sngi Palei.

Na ka liang u Superintendent of Police, East Jaintia Hills District u Jagpal Singh Dhanoa, IPS  u la ong, hadien ba ki la ioh ia ka jingtip kaba bniah halor ka jingdon jong ki laingut ki nongkhaii drok ia kiba la tip kyrteng kum u Mintu Das, Bijay Kr. Ray bad u Arvind Kumar kiba dei na Assam kiba la wan da ka kali Swift Dezire kaba don ia u Regn No. AS-04-J-0171. Kumta ruh ki pulit ki la pynlong ka jingpynap shrip ha ka surok NH0-06 ha Kongong ha kaba ki la ioh ban bat noh ia kane ka kali bad ki briew kiba donkti ha ka por kumba 2:30 nohphaisngi.

Ha ka jingtalasi ia kane ka kali ha ryngkat ka jingiadon lang ki sakhi ba laitluid la ioh ban kurup noh haduh 91 tylli ki song bad ha ka jingleh ia ka test la pynthikna ba u dei u kynja ia uba la thmu ban khaii beain.

Na kine ki laingut la ioh ruh ban kurup noh ia ki laitylli ki mobile phone bad la register case hapoh Khliehriat PS. Ka jingtohkit ka dang iaid shakhmat khnang ban lapdien ia kiba donkti ha kane ka kam khaii ia ki jingdih ba beain.