Kurup ki pulit haduh 181 tylli ki silencer ba pyndait ha ki kali & bike

Syllad | The Rising MeghalayaDecember 13, 2023

U Superintendent of Police, East Khasi Hills, Shillong, u Bah S Nongtnger, IPS u pyntip ba ha ka jingbteng ban khynra ia ki kali bad bike kiba pyndait hi ia ki silencer ne exhaust pipes kiba pynmih ia ka jingsawa kaba jam, ka tnat Shillong Traffic Police ka la ioh ban bat noh haduh 181 tylli kiba kum kine ki kali.

Ia kine ki silencer ba la pyndait hi la pynjulor noh haka 13 tarik Nohprah, hapoh Police Reserve, Shillong da kaba pyndonkam da ka roller ha ryngkat ka jingsakhi lang da ki lad pathai khubor bad kiwei pat. 

Kumta ruh na ka liang une u heh pulit u kyntu jur ia ki trai kali ba kin kiar ban pyndait ia kiba kum kine ki silencer namar ki ktah jur ia ki paidbah babun balang.

Nalor kata u la ong ruh ba ka jingpynlong ia ka jingkhynra ia kiba kum kine ki kali khamtam ki kali rit kynthup ia ki ar shaka kan dang iai bteng bad yn pynshitom tyngeh lada lap ia kiba pynkhein ain.