Kurup ki pulit 10.97 gm u heroin na Laitumkhrah, Shillong

Syllad | The Rising MeghalayaNovember 4, 2023

Uwei u nongkhaii drok uba la don dak sniew la kham slem u la shah kem noh ha ki riew paidbah haka sngi Saitjain katba u dang pyniaid iew ia u drok ha ki bynta jong ka Police Point ha Laitumkhrah Shillong hadien ba ki la pyntip noh mardor sha ki bor pulit ka Laitumkhrah Police Station.

Hadien kane na ka liang ki pulit na ka tnat ANTF ki la wan ban shimti noh ia une u briew bad ioh ban kurup noh ia shiphew tylli ki synduk let kiba don ia u drok heroin uba khia 10.97 gram.

Na une u briew ki pulit ki la ioh ruh ban kurup noh ia 35 tylli ki synduk let kawei ka mobile phone bad ka pisa T.6,310/-.