Kurup ki BSF haduh 23 tylli ki muid ba thmu khaii tuh sha Bangladesh

Syllad | The Rising MeghalayaSeptember 2, 2024

Ki shipai Border Security Force (BSF) ka Meghalaya ha ka 1 tarik mynta u bnai ki la lah ban pynpulom noh ia ka jingthmu khaii beain da kaba ioh ban kurup noh haduh 23 tylli ki muid na ki bynta khappud jong ka ri na West Jaintia Hills District.

Hadien ba la ioh ia ka jingtip kaba bniah ki shipai BSF ki la pynlong ia ka jingkhynra kaba kyrpang ha ki bynta khappud jong ka ri ha kaba ki la lapdien haduh 23 tylli ki muid ia kiba la buhrieh bha ha kawei ka jaka khlaw hajan khappud da ka jingthmu ban khaii tuh shapoh Bangladesh.

Ki shipai ki la kurup noh ia kine ki muid bad aiti noh sha ki bor pulit ba dei khmih na ka bynta ban leh ia kaba donkam.