Kurup drok bad pisa na Jowai, shah kem ar ngut

Syllad | The Rising MeghalayaSeptember 19, 2024

Ki pulit jong ka Jowai Police Station ki la ioh ban kem ia arngut ki briew ha ka miet 18 tarik u Nailur halor ka jingsuba ba ki donkti ha ki kam beain.

Kine kiba shah kem ki dei u Sdangki Myrphet (35 snem) bad u Wandao Bareh (42 snem) kiba shong basah ha Panaliar, Jowai.

Ki Pulit kila iathuh ba ki la ïohi ïa kine ki arngut bad kila suba sniew iaka rukom iaid ieng jong ki ha ka por ba ki pulit Jowai Police Station ki dang iaid pahara ha ka por kumba 7:30 baje janmiet hajan ka Thomas Jones College.

Kumta ki pulit kila bat iaki bad ha ka jingtohkit la suba jur ba ki donkti ban die ia ki mar beaiñ.

Ha ka jingtalasi bniah ïa ki mar ki mata jong ki la lap ïa u drok heroin uba 5.1 gram bad ka pisa kaba kot sha ka T. 31,730.

Ki Pulit ka Jowai kila pyndep iaki jingdonkam katkum ki kyndon ain bad ka jingtohkit kala iaid shakhmat.

Iohkem ki Pulit ia u suba nongtuh ha DC ophis Jowai