Kular u Myntri tnad Pule Puthi ban plie noh ïaki hostel Kiang Nangbah Govt. College, ka Higher Secondary sha Mynthong ka BEd ha Kiang Nangbah

Syllad | The Rising MeghalayaMay 30, 2019

JOWAI: U Myntri ka tnad pule puthi jong ka sorkar Jylla u Ma Lahkmen Rymbui u la wan jurip ia Kiang Nangbah Government College, Jowai haka sngi haka jingiadon lang u MLA ka Jowai u Ma Wailadmiki Shylla, U MDC jong ka Jowai North Bright Star Chyrmang, Principal ka College, u Bah DP Wahlang, Principal Secretary ka tnad Pule Puthi ka Jylla, A.E Ambrose Marak Director jong ka tnad Higher and Technical Education jong ka Sorkar Meghalaya bad u bah R. Mawroh Principal Consultant jong ka Rashtriya Uchchatar  Shiksha Abhiyan (RUSA) bad kumjuh u Executive Engineer jong ka tnad PWD ba dei peit ia ka Building ha poh Jowai, ha ryngkat ka jingiadon lang ki Students Union jong ka College haka sngi Palei.

Ka Jerina Lamare, President Kiang Nangbah Government College Students Union (KNGCSU) kala ong ba ha kane ka jing wan jurip u Myntri jong ka tnad pule puthi ula ong ba yn plie noh ia ka hostel jong ki shynrang bad jong ki kynthei ha u bnai Jylliew 19, bad u la ai ktien ruh ba yn pynkynriah noh ia ka Higher Secondary Section la kumno kumno ha u bnai ban wan u bnai sha Mynthong, Jowai.

Ka la don ruh ka jing iakren ba yn aiti noh ia ka kamra Class ka ba don armala ba la bei tyngka da ka RUSA sha ka Kiang Nangbah Government College, Jowai.

Ka B.Ed kaban tip kum ka ITEP (Integrated teacher Education Programme) ka course kaba saw snem  ban pynjanai ïaka training ki samla kiba angnud ban long nonghikai yn sdang noh mynta u snem ha Kiang Nangbah Government College, Jowai.