Kular ka MePDCL ban pynioh bording iaka shnong ba duh bording 8-9 snem ha East Jaintia Hills

Syllad | The Rising MeghalayaMarch 12, 2021

Ka MePDCL, Khliehriat Distribution Division kala kular ban pynioh bording ia kawei ka shnong kaba ym juh ioh bording la 8-9 snem kynthih.

Kane ka shnong kaba duh bording la 8-9 snem kadei ka shnong Suchen, East Jaintia Hills District kaba don 150 tylli ki longïing.

Ka Jaiñtia Youth Federation, East Jaintia Hills (JYF-EJH) bad ka Hynniewtrep Youth Council, East Jaintia Cricle (HYC-EJC) haka jingialam u John Pala, president JYF bad u Priouse Pale, president ka HYC hadien ba kila ioh jingujor na u paidbah haka 8 tarik une u bnai kila ujor haka sha u Executive Engineer, MePDCL, Khliehriat Distribution Division.

Dei hadien ka jingujor kine ki ar seng, ki engineer ka MePDCL bad ki nongialam kane ka seng kila hiar sha ka shnong Suchen haka 10 tarik une u bnai ban jurip ha kaba iadei bad ka jingduh bording kane ka shnong bad kumjuh ban pyntreikam iaka skim Saubhagya lane ka Pradhan Mantri Sahaj Bijli Har Ghar Yojana.

Ha kane ka jingleit hiar jurip ka MePDCL la iadonlang ruh ki nongialam shnong bad kala don ka jingialang kaba lyngkot ban iakren halor ki post light, transformer haduh ban pynpoi iaka ding ha manla ka thliew iing ha ki 150 tylli ki longïing.

Ki Enginneer jong ka MePDCL kila kular ban pyndep hapoh kane ka taiew.