Kular ka EC-KHADC ban khmih biang ia ka jinglong ki skul primary ha u pud u sam 

Syllad | The Rising MeghalayaMarch 27, 2025

Ka Khasi Hills Autonomous District Council (KHADC) haka 27 tarik Lber ka la kular ban bishar biang ia ka jingtyrwa ban khmih biang ia ka jinglong jingman jong ki skul primary kiba don hapoh u pud u sam jong ka Council.  

“Ia kane ka kam yn sa shong bishar bniah da ka Executive Committee,” ong ka Executive Member kaba khmih ia ka Tnad Education haba jubab ia ka jingkylli ba la wanrah da ka MDC ka NPP na Nongpoh ka Kong Rona Khymdeit kaba kwah ban tip la ka EC ka don ne em ia kano kano ka jingthmu ban khmih biang ia ka jinglong jingman jong ki skul primary katkum ka Sixth Schedule jong ka Riti Synshar ka Ri India.

Nalor kata ka la kular ruh ba ka EC kan sa shon bishar ia ka jingai jingmut jong ki dkhot halor ka jingdonkam ban aijingiarap song pisa sha ki skul primary.